Telemarketinq

Con Rokfeller deyirdi ki, insanlarla ünsiyyət qurmaq bacarığı bir əmtəədir və biz onu çay və ya qəhvə kimi gedib ala bilərik: “Mən bu bacarığı əldə etmək üçün əlimdə olan hər şeyi verməyə hazıram”. Doğru kommunikasiya böyük əhəmiyyət kəsb edir. Bu, təkcə şəxslərarası ünsiyyətə aid deyil, şirkət və müştərilər arasında münasibətlərin qurulmasına da aiddir.

Gündəlik informasiya axınında istehlakçının səs-küylü reklam təklifləri arasında oriyentasiya etməyi çox çətindir. Televiziya, media, elektron və adi poçt, qəzet və jurnallar – hər yerdə effektivliyi yüzdə bir faizlə ölçülən, parlaq başlıqlar və rəngarəng şəkillər görürük. Bundan əlavə, belə reklamı seqmentlərə bölmək çətindir və nəticədə o, hədəf auditoriyasının konkret nümayəndəsinə deyil, kütləyə yönəlir. Buna görə istehlakçı ilə şəxsən əlaqə saxlamağa və dialoq qurmağa imkan verən marketinq metodları getdikcə populyarlaşır.

Konsultasiya

Bu vasitələrdən biri telemarketinqdir. Telemarketinq telefon əlaqəsi vasitəsilə məhsul və ya xidmətin satışını nəzərdə tutan telekommunikasiya növüdür.

Niyə telemarketinq effektiv satış vasitəsidir?

Telefonla aktiv satışların əsas özəlliyi müştəri ilə birbaşa əlaqə və ən əsası, əks əlaqənin yaradılmasıdır. Söhbət əsnasında menecerin iki məqsədi olur: məhsul və ya xidməti satmaq, habelə problem yarandığı təqdirdə müştərinin iradını müəyyənləşdirmək. Bu məlumatlar sizə hər dəfə satış prosesini təkmilləşdirməklə yanaşı, həm də marketinq strategiyanızı hədəf auditoriyanızın gözlənti və maraqlarına uyğunlaşdırmağa imkan verəcək. Ola bilsin ki, uğurlu nəticə əldə etmək üçün məhsulunuzun xüsusiyyətlərinə kiçik düzəlişlər etmək kifayətdir.

Telefonla soyuq satışların aparılmasının digər qiymətli üstünlüyü istehlakçı auditoriyasının öyrənilməsi və ondan hədəf seqmentlərin seçilməsidir. “Wilstream” çağrı mərkəzinin məhsulunuzla həqiqətən maraqlanan müştərilərdən ibarət məlumat bazasının yaradılması sahəsindəki təcrübəsi məlumat bazası üçün optimal parametrləri müəyyən etməyə və potensial müştərilərin əlaqə nömrələrini tez bir zamanda toplamağa imkan verəcək.

Zəng üçün bazanın yaradılması layihənin hazırlanmasının ən vacib mərhələlərindən biridir. Məlumat bazaları fərqli meyarlar əsasında təşkil edilə bilər:

• coğrafi yer – ölkə, şəhər və ya rayon;
• demoqrafik xüsusiyyətlər – potensial müştərilərin yaşı və cinsi;
• şirkətin fəaliyyət sahəsi – hüquqi şəxslər üçün.

Təbii ki, biznesinizi ən çox hədəflənmiş istehlakçılarla təmin etmək üçün hər bir müştəriyə uyğun fərdi müştəri bazası parametrləri seçirik.

İş prinsipimiz

Telemarketinqin istənilən istiqaməti üzrə “Wilstream” çağrı mərkəzi ilə əməkdaşlıq zamanı layihənin gedişatı haqqında ətraflı hesabat və tam şəffaflıq ilə təmin ediləcəksiniz. Müştərilərimizin etimadını yüksək qiymətləndirir və bu etimadı göstərdiyimiz nəticələrlə möhkəmləndiririk!

Layihə başa çatdıqdan sonra əlinizdə şirkətiniz haqqında geniş təsəvvürə malik formalaşmış müştəri bazası və əlavə olaraq istehlakçıların standart iradları olacaq. Gələcəkdə satış menecerləriniz müəyyən səbəbdən dolayı məhsul və ya xidmətinizi əldə etmək istəməyənlərlə əlaqə saxlayıb, şirkətinizin məhsulunu təkrar təklif edə biləcəklər.

Yəqin ki, müştərilərlə ünsiyyət vasitəsi kimi telemarketinqin qeyri-effektivliyi haqqında eşitmisiniz. Bu cür rəyləri adətən qeyri-peşəkar şirkətlərə müraciət edən müştərilər deyir. Layihənin uğuru tapşırığın düzgün formalaşdırılması və potensial müştəri bazasının seçilməsindən asılıdır. Adətən 100 haldan 99-da məhz bu addımlar səhv olur.

Ənənəvi telefon zəngi üzərindən satış prosesinin iş prinsipi

1. Potensial müştəriyə zəng;
2. Qərar qəbul edən şəxsə çıxış;
3. Məhsul təqdimatı;
4. İradlarla iş.

Hər bir fəaliyyət sahəsi, bəzən isə ayrılıqda hər bir məhsul üçün sxem dəyişdirilə və əlavə edilə bilər. Bu, məhsul və ya xidmətin parametrləri və xüsusiyyətlərindən, habelə reklam strategiyanız, bazardakı mövqeyiniz və mövcud rəqabət vəziyyətindən asılıdır.

Sizinlə iki istiqamət üzrə əməkdaşlıq edə bilərik:

1. Müştəri bazasının formalaşdırılması
   Bu variantda sizinlə birlikdə məlumat bazasının parametrlərini müzakirə edirik, ardınca operatorlar bazanın yaradılması və yenilənməsi üzərində işə başlayırlar. Mütəxəssislərimiz zəng edərək məhsullarınızla maraqlanan fiziki və ya hüquqi şəxsləri müəyyənləşdirir.
2. Telefon vasitəsilə təqdimatlar
   Bazanın seçilməsi və yenilənməsi ilə yanaşı, telefonla təqdimat sifariş edə bilərsiniz. Bu halda operatorlar təkcə əlaqə məlumatlarını dəqiqləşdirmir, eyni zamanda müştərinin məhsul və ya xidmətinizlə ilkin tanışlığını həyata keçirirlər. Qərar qəbul edən şəxs maraqlansa, “Wilstream” əməkdaşları zəngi satışı tamamlayan mütəxəssisə yönləndirəcək.

Telemarketinq xidmətlərini niyə bizə etibar etməlisiniz?

• Müştərinin ehtiyaclarını dəqiq müəyyənləşdirə və tapşırıqlar qoya bilirik.
• Fəaliyyətimiz şəffafdır və siz istənilən vaxt birbaşa satışın təşkili prosesinə düzəlişlərinizi edə bilərsiniz.
• Müxtəlif biznes sahələrində təlim keçmiş 2300-dən çox operator, supervayzer, layihə meneceri və təlimçilərdən ibarət işçi heyəti kommunikasiyanın uğuruna təminat verir.
• Çağrı mərkəzinin müasir texniki avadanlıqlarla təchiz olunması operatorun sərf etdiyi vaxtı minimuma endirir və zəng edilən abunəçilərin sayını artırmağa imkan verir.

Bizimlə işə başlamaq asandır! Saytımızda müraciət formasını doldurun və ya “Wilstream” mütəxəssisləri ilə əlaqə saxlayın!