2002-ci ildə Aydın Orucov xarici investisiyalar olmadan Moskvada Wilstream şirkətini təsis edib. Bu, Rusiya və MDB ölkələrində ilk peşəkar autsorsinq çağrı mərkəzlərindən biri idi.

İlk illərdə şirkətdə cəmi 12 əməkdaş çalışırdı. Son 20 ildə isə Wilstream iki qlobal böhranı və pandemiyanı uğurla adlayaraq 200 dəfə böyüyüb və hazırda Moskva və Nijni Novqorodda yerləşən 5 ofisdə 2300-dən çox əməkdaş və 1500 iş yeri ilə bazarın liderlərindən biridir. 2020-ci ildə Bakıda 370 yerlik ilk beynəlxalq filial açılıb.

Autsorsinq çağrı mərkəzinin biznes üçün faydaları

Aydın Orucovun sözlərinə görə, peşəkar autsorsinq çağrı mərkəzi şirkətlər üçün çox güclü alətdir. O, biznesə aşağıdakı üstünlükləri gətirir:

• 24/7 dəstək – zənglərin günün istənilən vaxtında qəbulu, müştəri itkisinin qarşısının alınması.

• Telefon satışları – mövcud və potensial müştərilər bazası ilə işləyərək əlavə gəlir mənbəyi yaratmaq.

• Müştəri məmnuniyyəti və analitika – narazı müştərilərin müraciətlərinin toplanması, təhlili və xidmətin keyfiyyətinin artırılması.

• Ssenariyə əsaslanan peşəkar ünsiyyət – satış göstəricilərinin yüksəldilməsi.

• Əks əlaqə və sorğular – müştəri davranışının daha yaxşı öyrənilməsi və satış imtinası səbəblərinin müəyyənləşdirilməsi.

Xərclər və sərfəlilik

• Kiçik şirkətlər üçün xidmətlər ayda 300 manatdan başlayır.

• Böyük şirkətlər üçün qiymət bir neçə min manata çata bilər, lakin bu, daxili çağrı mərkəzi qurmaq xərcləri ilə müqayisədə daha sərfəlidir (işçi maaşları, icarə, lisenziyalar, təlimlər və s.).

• Wilstream-in üstünlüyü — hazır infrastruktur, peşəkar heyət və beynəlxalq standartlara uyğun 24/7 xidmət təqdim etməsidir.

Texnologiya və müasir yanaşma

• Wilstream yalnız telefon zəngləri ilə məhdudlaşmır, sosial şəbəkələrdən və messencerlərdən gələn müraciətləri də qəbul edir.

• Bütün ünsiyyət kanalları CRM-də saxlanılır və müştərinin müraciət tarixi itirilmir.

• Müştərilər şirkətə 70% daha ucuz başa gəlir və 33% daha çox qazanc gətirir.

Azərbaycandakı aktual xidmətlər

Aydın Orucovun fikrincə, Azərbaycan bazarında ən aktual xidmətlər bunlardır: texniki və xidmət dəstəyi, telefon satışları, “virtual resepşn”, müştəri sorğuları, satış şöbəsinin auditi.

Wilstream artıq Azərbaycanda internet provayderləri, ictimai iaşə müəssisələri, daşınmaz əmlak agentlikləri, taksi şirkətləri, klinikalar və maliyyə təşkilatları ilə əməkdaşlıq edir.

Sahibkarlara tövsiyə

• Daha çox sınaq aparın – satış üsullarında, texnologiyalarda, yeni bazarlarda.

• Reputasiyanıza diqqət edin – bu, müasir rəqabətdə əsas uğur faktorudur.

• Xidmətə yatırım edin – çünki müştərilərin 75%-i pis xidmət üzündən şirkətləri tərk edir.