Wilstream çağrı mərkəzi və Aviasales əməkdaşlığa başlayıblar

Wilstream çağrı mərkəzi və Aviasales əməkdaşlığa başlayıblar

Wilstream şirkəti aviabiletlər və digər turistik xidmətlər üzrə ən böyük internet axtarış sistemlərindən biri olan Aviasales ilə əməkdaşlığa başladığını böyük məmnuniyyətlə bəyan edir.

Əməkdaşlıq çərçivəsində Wilstream Aviasales istifadəçilərinə texniki dəstək göstərərək, aviabiletlərin axtarışı xidmətindən istifadə prosesində meydana çıxan sualların cavablandırılmasında, problemlərin həllində müştərilərə kömək edəcək.

Wilstream 24/7 dəstəyin göstərilməsi, eləcə də pik yüklənmə vaxtlarında xidmət həcminin artırılması daxil olmaqla günün istənilən vaxtında zənglərin fasiləsiz qəbulunu təmin edir. Bu əməkdaşlıq sayəsində Aviasales istifadəçiləri istənilən vaxt çevik və səmərəli texniki dəstək ala biləcəklər.

Aviasales hər ay 10 milyondan çox istifadəçinin yararlandığı, regionda aviabiletlərin və digər turistik xidmətlərin axtarışı üzrə ən populyar xidmətlərdən biridir. Otellərin, sığorta polislərinin və avtomobillərin icarəsi ilə bağlı xidmətlərin axtarışı üzrə təkliflərin geniş seçimi və əlavə funksiyalar sayəsində Aviasales milyonlarla insana onlar üçün ən rahat üsulla ən sərfəli biletləri tapmağa kömək edir. Wilstream və Aviasales arasında birgə əməkdaşlıq istifadəçilərə göstərilən xidmətin keyfiyyətini daha da yaxşılaşdırmağa, aviabiletlərin axtarışı və alınması prosesini daha komfortlu və rahat etməyə imkan verəcək.